Antiterror əməliyyatı zamanı qəhrəmancasına döyüşən Astaradan olan qazilər ziyarət olunublar. Bu haqda məlumatı Cenublu.az bu gün, 18 oktyabr tarixində verir.
Prezident İlham Əliyevin tapşırığı ilə 19 sentyabr 2023-cü il tarixində həyata keçirilmiş lokal xarakterli antiterror əməliyyatı zamanı yaralanmış Astara rayon sakinlərinə – Ərçivan qəsəbə sakinləri Vidadi Xaniyev, Sadiq Baxşiyev; Ojakəran kənd sakinləri Rəvan Rzazadə, Vaseh Eyvazov; Vənəşikəş kənd sakini Pərviz Şıxiyev; Tüləküvan kənd sakini Mərdan Allahverdiyevə baş çəkilib.
Ziyarətdə Rayon İcra Hakimiyyəti başçısının müavini – İctimai-siyasi və humanitar məsələlər şöbəsinin müdiri Firəngiz Sadıxova və Rayon İcra Hakimiyyəti başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Turan Həsənzadə iştirak ediblər.
