Bu gün, 25 oktyabr tarixində Azərbaycan Silahlı Qüvvələrinin çavuşu, Vətən müharibəsi şəhidi Samiq Rizvan oğlu Rəhmanovun şəhadətə ucaldığı gündür.
Samiq Rəhmanov 3 yanvar 1990-cı ildə Astara rayonunun Səncərədi kəndində anadan olub. 2014-cü ildən Azərbaycan Silahlı Qüvvələrinin sıralarında, snayper vəzifəsində müddətdən artıq həqiqi hərbi xidmət qulluqçusu kimi xidmət edib.
Aprel döyüşləri zamanı Samiq Rəhmanov snayper olaraq savaşıb.
Vətən müharibəsində Cəbrayılın, Füzulinin, Zəngilanın və Qubadlının azadlığı uğrunda gedən döyüşlərin iştirakçısı olub. 25 oktyabr Qubadlı döyüşləri zamanı şəhidlik zirvəsinə ucalıb.
Ölümündən sonra "Vətən uğrunda", "Cəbrayılın azad olunmasına görə" və "Füzulinin azad olunmasına görə" medalları ilə təltif olunub.
