Azərbaycan Respublikasının Qida Təhlükəsizliyi Agentliyinin (AQTA) əməkdaşları heyvan kəsiminin normativ tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması məqsədilə Masallıda monitorinq keçiriblər. Bu haqda məlumatı Cenublu.az bu gün, 17 oktyabr tarixində verir.
Belə ki, keçirilən yoxlamalar nəticəsində şəhərin 20 Yanvar keçəsində yerləşən və sahibkarlar Səfərov Şahbaz Rəhim oğlu, Səfərov Saməddin Rəhim oğlu, Dadaşov Bürhan Abdul oğlu və Səfərov Rasim Balasət oğluna məxsus ət kəsimi məntəqələrində nöqsanlar aşkarlanıb. Müəssisələrin sahibləri barəsində inzibati protokol tərtib olunub.
