Azərbaycan Respublikasının Qida Təhlükəsizliyi Agentliyi (AQTA) bir sıra ticarət obyektlərini cərimələyib. Bu haqda məlumatı Cenublu.az bu gün, 20 oktyabr tarixində quruma istinadən verir.
Belə ki, Lənkəran rayonunun Kərgəlan kəndindəki Ramazanov Əminağa Filon oğluna məxsus ət dükanında və Cəlilabad rayonunun Maşlıq kəndindəki Həsənov Nizaməddin Xudaşükür oğluna məxsus ərzaq mağazasında sanitar norma və qaydaların pozulması halı aşkarlanıb.
Həmçinin Masallı şəhəri, H.Əliyev pr., ev, 44a ünvanında yerləşən Zeynalov Elgün Sərraf oğluna məxsus mağazada sanitar norma və qaydaların pozulması, mal qonşuluğuna və temperatur rejiminə əməl edilməməsi, saxlanma müddəti bitmiş məhsulların satışı halları aşkarlanıb.
Hər üç ticarət obyektinin sahibləri barəsində inzibati protokol tərtib olunub.
