Azərbaycan Qida Təhlükəsizliyi Agentliyinin (AQTA) əməkdaşları Lənkəran şəhəri, Koroğlu küçəsi, Böyük bazar ərazisində yerləşən ət satışı məntəqəsində monitorinq aparıblar.
Cenublu.az AQTA-ya istinadən xəbər verir ki, yoxlama zamanı məntəqədə sanitar-gigiyenik tələblərə əməl edilmədiyi, ətlərin üzərində baytarlıq nəzarətindən keçirildiyinə dair möhürün olmadığı, əlyuma çanağının, havalandırma sisteminin, eləcə də ət məhsullarının saxlanması üçün soyuducu və dondurucuların mövcud olmadığı, işçi heyətin tibbi müayinədən keçmədiyi və fərdi qoruyucu vasitələrdən istifadə etmədiyi, dezinfeksiya işlərinin aparılmadığı müəyyən edilib.
Faktla bağlı qanunvericiliyin tələblərinə uyğun müvafiq sahibkar Həsənov Allahşükür barəsində inzibati protokol tərtib edilib. Məntəqənin fəaliyyəti məhdudlaşdırılıb.
