Bu gün Vətən müharibəsi şəhidi Mahsun Bağırzadənin dünyaya göz açdığı günüdür.
Mahsun Zahir oğlu Bağırzadə 1998-ci il mayın 30-da Lənkəran rayonunun Xanbulan kəndində anadan olub.
O, 2020-ci ildə Tovuz döyüşlərində könüllü olaraq iştirak edib. Vətən müharibəsi zamanı Füzulinin, Cəbrayılın, Zəngilanın və Qubadlının azadlığı uğrunda gedən döyüşlərdə iştirak edib. 21 oktyabr 2020-ci ildə Qubadlı rayonu istiqamətində savaşaraq şəhidlik zirvəsinə ucalıb. 2020-ci il noyabrın 2-si Lənkəran rayonu Xanbulan kəndində torpağa tapşırılıb.
Ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə" və "Cəsur döyüşçü" medalları ilə təltif edilib.
