Lənkəranda işıq dirəklərinin və gecə fənərlərinin çoxluq təşkil etməsinə baxmayaraq, gecə 12-dən sonra işıq problemi yaranır. Bu haqda bu gün, 12 dekabr tarixində Cenublu.az Baku TV-yə istinadən xəbər verir.
Şəhər saat 12:00-ı keçən kimi qaranlığa qərq olur. Təbii ki, bu da sakinlər üçün ciddi problem yaradır.
“Büdcədən ayrılmış vəsait hesabına ilin aylarına və günlərinə bölünərək, biz onu saat 12:00-a nəzərdə tutmuşuq və gecə yarısında işıqlar söndürülür. Şəhər ərazisi üzrə bir tək bu 2361 işıq dirəyi deyil, köhnə işıq dirəkləri də bu siyahıya daxildir. Bütün parklar bu sistemlə əlaqədar həmin maliyyə vəsaitinə görə 12:00-da söndürülür. Növbəti il üçün maliyyə nəzərdə tutulur və bu maliyə təsdiqini taparsa, bəli, səhərə kimi işıq veriləcəkdir”, - deyə Lənkəran şəhər İşıqlandırma müəssisəsinin rəisi Seyran Şərifov bildirib.
