Bu gün Vətən müharibəsi şəhidi Nicat Xankişiyevin doğum günüdür.
Nicat Xankişiyev 1999-cu il yanvarın 27-də Azərbaycanın Neftçala rayonunun Həsənabad qəsəbəsində anadan olub.
Vətən müharibəsi zamanı Füzuli, Cəbrayıl, Suqovuşan, Xocavənd, Qubadlı və Hadrut istiqamətində gedən döyüşlərdə iştirak edib. O, 2020-ci il oktyabrın 7-də Hadrut uğrunda gedən döyüşlərdə şəhidlik zirvəsinə ucalıb.
Şəhid Nicat Xankişiyev anadan olduğu Həsənabad qəsəbəsində torpağa tapşırılıb.
O, ölümündən sonra "Vətən uğrunda", "Şuşanın azad olunmasına görə", "Cəsur döyüşçü", "Cəbrayılın azad olunmasına görə" və "Xocavəndin azad olunmasına görə" medalları ilə təltif edilib.
