Cəlilabad rayonu ərazisindən keçən Mişarçayda suyun səviyyəsi maksimum həddə yüksəlib.
Cenublu.az xəbər verir ki, dağlıq ərazilərdə qarın əriməsi nəticəsində çaylarda suyun səviyyəsi artıb. Bu hal daha çox Mişarçayın Cəlilabad rayonu ərazisindən keçən hissəsində müşahidə olunur.
Bildirilib ki, çay üzərində salınan dörd su anbarı və iki su tutarının demək olar ki, dolması qeydə alınıb. Ətraf əraziləri və kəndləri su basmalarından qorumaq məqsədilə qəza çıxışları aktiv vəziyyətə gətirilib.
Qeyd edək ki, hazırda vəziyyət tam nəzarət altındadır.
