Dövlət Sərhəd Xidmətinin (DSX) Aparatında yeni təyinat olub.
Cenublu.az xəbər verir ki, bu barədə DSX rəisi, general-polkovnik Elçin Quliyev əmr imzalayıb.
Əmrə əsasən, Vətən müharibəsinin qəhrəmanlarından biri - "Zəfər" ordenli general-mayor Nəsib Mirzəyev Dövlət Sərhəd Xidmətinin Baş idarə rəisi təyin olunub.
O, bundan əvvəl qurumun Çevik Hərəkət Qüvvələrinin Komandanının birinci müavini - Qərargah rəisi vəzifəsində işləyib.
Qeyd edək ki, Nəsib Tahir oğlu Mirzəyev Cəlilabad rayonunun Ləkin kəndində anadan olub.
O, "Zəfər", ikinci dərəcəli "Vətənə xidmətə görə", üçüncü dərəcəli "Vətənə xidmətə görə" ordenləri, "İgidliyə görə", "Cəbrayılın azad olunmasına görə", "Zəngilanın azad olunmasına görə", "Hərbi xidmətlərə görə" və "Vətən uğrunda" medalları ilə təltif edilib.
