SON XƏBƏRLƏR

Adəm İzzət oğlu Seyfullayev 30 sentyabr 1925-ci ildə Masallı rayonunun Şərəfə kəndində anadan olub. Seyfullayevin nəsli qızılbaşlarla bağlı olduğundan onu “Qızılbaşlı Adəm İzzət oğlu” adlandırırlar [2].

Seyfullayev Şərəfə kəndindəki yeddiillik məktəbi bitirdikdən sonra, 1940-cı ildə Lənkəran Pedaqoji Texnikumuna daxil olub [1,2].

O, Böyük Vətən müharibəsi iştirakçısı olub. 1942-ci ildə, 17 yaşı olarkən Adəm iki aylıq serjantlıq kursunu bitirdikdən sonra Buynakska (Dağıstan) hərbi hissəsinə yollanıb [2]. Lakin bir müddət sonra serjant ağır yaralandığından Bakı hərbi hospitalına müalicəyə göndərilib. Daha sonra isə Seyfullayev ordudan tərxis olunub [1].

Adəm Seyfullayev 1945-1950-ci illərdə Şərəfə və Şəmidxan (indiki Səmədxanlı) kəndlərində müəllim işləyib, eyni zamanda 1946-cı ildən Azərbaycan Dövlət Pedaqoji Universitetində tarix müəllimi ixtisası üzrə qiyabi təhsil alıb [1,2]. Sonralar o, Rayon Partiya Komitəsində təbliğat-təşviqat şöbəsinin müdiri, 1953-cü ildən Şərəfə kənd məktəbinin direktoru kimi çalışıb. Adəm Seyfullayev 1957-ci ildə Şərəfə kəndində ilk orta məktəb açıb.

Seyfullayev 1964-1968-ci illərdə Masallı şəhər 2 saylı məktəbdə, daha sonra isə Masallı şəhər 3 saylı məktəbdə tarix müəllimi işləyib [1].

O, həmçinin şair kimi də tanınır. Yazıçının 1998-ci ildə “Qızılbaşlar” adlı ilk şeir kitabı, 1990-cı ildə isə “Xanbulanın təranəsi” poeması çap edilib [2].

Seyfullayev 1985-ci ildə gənc nəslin təlim və tərbiyəsində uğurlarına görə sovet hökuməti tərəfindən mükafata layiq görülüb.

30 sentyabr 2000-ci ildə Masallı şəhərində onun 75 illik yubiley tədbiri keçirilib. Masallı Rayon İcra Hakimiyyətinin Sərəncamı ilə Adəm Seyfullayevin 75 illiyi ilə bağlı “Qızılbaşlı Adəm İzzət oğlu” adlı buklet buraxılmışdır [2].

Ədəbiyyat:

  1. N.Ş.Məmmədova, S.Ş. Məmmədov. Şərəfə və onun layiqli övladları. Bakı-2002.
  2. Şamxəlil Məmmədov. Milli təhsilin fədailəri. Bakı-2004.
Kənan Əliquliyev
Sizi maraqlandıran

Lənkəranlı idmançı Kənan Əliquliyevi tanıyaq

Kənan Teymur oğlu Əliquliyev 1998-ci ildə Lənkəran şəhərində anadan olub. 2004-cü ildə Lənkəran şəhərində yerləşən “Zirvə” İdman Klubunda ağır atletika idman növü ilə məşğul olmağa başlayıb. Ağır atletika üzrə 2013-cü