Daha öncə xəbər verdiyimiz kimi, əslən Masallının Mahmudavar kəndindən olan Dəniz Səttarlı dünyanın ən yaxşı universitetlərindən sayılan Massaçusets Texnologiya İnstitutuna (Massachusetts Institute of Technology) tam təqaüdlə qəbul olub.
Universitet Dənizə ödəniləcək təqaüdün miqdarını da artıq açıqlayıb. Belə ki, Bakı Türk Liseyinin şagirdi olan Dəniz Səttarlıya universitet hər il 82.300 dollar təqaüd verəcək.
Qeyd edək ki, Səttarlı Dəniz Zaur qızı 2006-cı ildə Masallı rayonunun Mahmudavar kəndində anadan olub. İlk təhsilinə Mahmudavar məktəbində başlayıb. 2017-ci ildə 2-ci yerlə Türkiyə Dəyanət Vəqfi Bakı Türk Liseyinə qəbul olub.
