Lənkəran üzrə ən çox bal toplayan daha 2 abituriyentin universitet seçimi bəlli olub. Bu haqda bu gün, 24 avqust tarixində Cenublu.az BANM-ə istinadən xəbər verir.
Şagirdlər Nihad Axundzadə və Şahin Məmmədzadə yüksək bal toplayaraq seçimlərində Bakı Ali Neft Məktəbinə üstünlük veriblər. Nihad buraxılış imtahanında 279.6 bal, I ixtisas qrupu üzrə keçirilən imtahanda isə maksimal – 400 bal olmaqla, ümumilikdə 679.6 bal toplayıb. Şahin isə buraxılış imtahanında 283.8 bal, I ixtisas qrupu üzrə keçirilən blok imtahanında isə 395.5 bal olmaqla, ümumilikdə 679.3 bal toplayıb.
Qeyd edək ki, Lənkəran üzrə ən yüksək bal toplayan Ziya Əsgərli də (680.4 bal) BANM-ı seçmişdi.
