Masallıda kişi arvadını döyüb.
Hadisə Lürən kəndində qeydə alınıb.
Belə ki, marketlərdən birində kassir işləyən 41 yaşlı Elbrus Dadaşov (şərti adla) sosial şəbəkələrdə qadınlarla yazışdığı üçün arvadı onu izləməyə başlayıb. Həmkəndlilərinin yas mərasimində Elbrus çadırın arxa tərəfində yenidən qadınlarla yazışarkən arvadı Zeynəb (şərti adla) onu güdüb və ərinin xəyanətini aşkar edib. Cütlük daha sonra yaşadıqları evə gedib və aralarında qısqanclıq zəminində mübahisə yaranıb.
Mübahisə zamanı Elbrus yumruq və təpik zərbələri ilə arvadının bədəninin müxtəlif nahiyələrinə vuraraq ona xəsarətlər yetirib.
Zərərçəkənin şikayəti əsasında Elbrus saxlanılıb və barəsində cinayət işi açılıb.
Elbrus Dadaşov ifadəsində törətdiyi əməldən peşman olduğunu və ilk dəfə cinayət törətdiyini deyərək, barəsində yüngül cəza verilməsini istəyib. Zərərçəkən Zeynəb Dadaşova isə əri ilə barışmadığını bildirərək, onun barəsində qanuna uyğun cəza verilməsini xahiş edib.
Məhkəmənin qərarı ilə Elbrus Dadaşov qazancının 20 faizi dövlət nəfinə tutulmaqla 1 il müddətinə islah işləri cəzasına məhkum edilib.
Mənbə: lent.аz
