Saatlı rayonunda qonşularını qətlə yetirən ata və oğulun cəzası artırılıb.
Cenublu.az xəbər verir ki, Şirvan Apellyasiya Məhkəməsində keçirilən prosesdə onların barəsində verilən apellyasiya şikayətinə baxılıb və qərar elan olunub. Qərara əsasən, hər iki təqsirləndirilənin cəzası 1 il artırılıb. Elşad Abbasov 19 il 6 ay, oğlu Elçin Abbasov isə 16 il müddətinə azadlıqdan məhrum edilib.
Xatırladaq ki, hadisə ötən il fevralın 5-də rayonun Şirinbəyli kəndində baş verib. Ata və oğul qonşuları Mirhəsən Seyidovu avtomobildə məftillə boğaraq qətlə yetirib. Daha sonra cinayəti gizlətmək məqsədilə meyitin ayağına daş bağlayaraq ərazidəki su kollektoruna atıblar.
Qeyd edək ki, birinci instansiya məhkəməsinin hökmü ilə Elşad Abbasov 18 il 6 ay, Elçin Abbasov isə 15 il müddətinə azadlıqdan məhrum edilmişdi.
