Ötən ilin avqustunda Cəlilabad rayonunun Alar kəndində 1963-cü il təvəllüdlü Rəviyyə Əliheydər qızı Nərimanovanı yaşadığı evdə bıçaqla qətlə yetirən qayını, 42 yaşlı Təhmasib Əliyevin məhkəmə prosesi başa çatıb.
Tərəflərin mübahisəsi isə Rəviyyənin evin eyvanını təmizləyən zaman başlayıb. Belə ki, zibil tullantılarının Təhmasibin eyvanın altına yığdığı kəpək yeminin üzərinə tökülməsi sonuncunu özündən çıxarıb.
Mübahisənin gedişində Rəviyyə Nərimanova Təhmasib Əliyevə qarşı nalayiq sözlərdən istifadə edib. Təhmasib həmin gün sakitləşsə də, növbəti gecə ondan qisas almağa qərar verib.
Nəticədə o, sərxoş halda pəncərədən Rəviyyənin otağına daxil olaraq, yarıyuxulu, köməksiz vəziyyətdə olan qadını xüsusi amansızlıqla öldürüb. Hadisə zamanı Təhmasib qardaşı arvadına 74 bıçaq zərbəsi vurub.
Lənkəran Ağır Cinayətlər Məhkəməsində qadını xüsusi amansızlıqla öldürən şəxsə hökm oxunub.
Hökmə əsasən, Təhmasib Əliyev 18 il müddətinə azadlıqdan məhrum edilib.
Qeyd edək ki, hadisə baş verən an Rəviyyənin həyat yoldaşı Firdovsi Əliyev evdə olmayıb. O, gecə xırdabuynuzlu heyvan satmaq üçün Masallı bazarına gedibmiş.
