Masallıda oğul yataq xəstəsi olan 74 yaşlı anasına təcavüz edib.
Cenublu.a z-ın məlumatına görə, hadisə kəndlərin birində baş verib.
İttiham aktına əsasən, rayon sakini Cavid (ad şərtidir) 1952-ci il təvəllüdlü yataq xəstəsi olan anası Səkinəyə (ad şərti) qarşı ağır cinayətlər törədib.
Belə ki, iki ildən artıq yataq xəstəsi olan, sərbəst hərəkət və danışmaq imkanını demək olar ki, itirmiş qadının köməksiz vəziyyətindən istifadə edən oğul onu seksual xarakterli zorakı hərəkətlərə məruz qoymağa cəhd edib. Qadın müqavimət göstərməyə çalışsa da, təqsirləndirilən şəxs ona zor tətbiq edib, əlləri və şalvarının kəməri ilə dəfələrlə döyərək şiddət göstərib.
İstintaq zamanı Cavid bildirib ki, bu ilin fevral ayından etibarən mütəmadi olaraq "GO" markalı spirtli içkilər qəbul etməyə başlayıb. Onun sözlərinə görə, sərxoş vəziyyətdə olarkən bir neçə dəfə anası ilə qeyri-təbii formada cinsi əlaqədə olmağa cəhd edib. Qadın buna müqavimət göstərdikdə isə onu döydüyünü etiraf edib.
O, sonradan məhkəmədə ağlayaraq törətdiyi əməllərə görə peşman olduğunu, hadisə vaxtı sərxoş olduğundan nə etdiyini tam xatırlamadığını və uşaqlıqdan anasının ona yaxşı münasibət göstərdiyini deyib.
Təqsirləndirilənin həyat yoldaşı ifadəsində bildirib ki, hadisələrin qarşısını almağa fiziki gücü çatmadığı üçün baş verənləri mobil telefonla videoya çəkərək Cavidin xalasına göndərib və bacısına sahib çıxmasını istəyib. Daha sonra isə polisə müraciət edib.
Məhkəmə baxışı zamanı həyatını itirən zərərçəkmişin hüquqi varisi təqsirləndirilən şəxslə barışdığını, ondan şikayətçi olmadığını bildirib.
Lənkəran Ağır Cinayətlər Məhkəməsinin hökmü ilə təqsirləndirilən şəxs 7 il müddətinə azadlıqdan məhrum edilib.
Əsmər Sənani
