Sabirabadda məktəb direktoru təyin etdirmək vədi ilə 36 700 manat alan şəxslərlə bağlı qərar verilib.
Şirvan Apellyasiya Məhkəməsində Arzu Qabilli və Pərvanə Rəsullunun işi üzrə keçirilən prosesdə apellyasiya şikayəti təmin edilməyib.
İttihama görə, Arzu Qabilli qeyri-rəsmi münasibətdə olduğu Pərvanə Rəsullu ilə əvvəlcədən əlbir olaraq zərərçəkmişə yüksək vəzifəli şəxslərlə tanışlığının olduğunu deyib. O, həmin əlaqələrindən istifadə edərək zərərçəkmişi Sabirabad rayonunun Osmanlı kəndindəki Asif Məmmədov adına məktəbə direktor təyin etdirəcəyinə inandırıb.
Bu vədin təsiri ilə zərərçəkmiş müxtəlif vaxtlarda onlara ümumilikdə 36 700 manat pul verib. Lakin direktor təyinatı baş tutmayıb və ona maddi ziyan dəyib.
Şirvan Şəhər Məhkəməsi hər iki şəxsi 2 il 6 ay müddətinə azadlıqdan məhrum edib. Apellyasiya məhkəməsi isə bu qərarı dəyişməyib.
Ad və soyadlar şərtidir.
Mənbə: pravda
