Cəlilabad Rayon İcra Hakimiyyətinin Müharibə iştirakçıları və şəhid ailələri ilə işin təşkili sektorunun müdiri Fizuli Cəfərova şəhid ailələrinə keyfiyyətini itirmiş qurban ətinin çatdırılması faktına görə töhmət verilib.
Qurban bayramı günlərində rayonun bəzi ucqar kəndlərində yaşayan şəhid ailələrinə göndərilən ət isti hava və düzgün daşınmama səbəbindən yararsız vəziyyətə düşüb. Məsələ ilə bağlı şikayətlərdən sonra həmin paylar yenisi ilə əvəz olunub.
Cəlilabad Rayon İcra Hakimiyyəti daha əvvəl açıqlamasında qeyd etmişdi ki, bayram münasibətilə 1800 şəhid, qazi və aztəminatlı ailəyə qurban payı çatdırılıb, lakin bəzi hallarda məsuliyyətsizlik və çatdırılmada gecikmə səbəbindən ətin keyfiyyəti pisləşib. Buna görə aidiyyəti şəxslər barəsində tədbir görülüb.
