Masallı rayonu üzrə buğda və arpanın yığımı sona çatıb. Bu haqda məlumatı Cenublu.az bu gün, 25 iyul tarixində verir.
Masallı rayon Statistika İdarəsindən verilən məlumata əsasən, buğda üzrə 7229,0 hektar sahədən 17.494,2 ton məhsul yığılıb ki, bu da ötən ilin müvafiq dövründən 134,2 hektar və ya 0,8 faiz azdır. Buğda üzrə məhsuldarlıq 2022-ci ilin yanvar-iyun ayları ərzində 24,2 sent/ha olub ki, bu da ötən ilin müvafiq dövründən 0,6 sent/ha çoxdur.
Arpa üzrə 2983,0 hektar sahədən 6592,4 ton məhsul yığılıb. Bu göstərici ötən ilin müvafiq dövründən 599,0 ton və ya 10,0 faiz çoxdur. Arpa üzrə məhsuldarlıq isə 2022-ci ilin yanvar-iyun ayları ərzində 22,1 sent/ha olub ki, bu da ötən ilin müvafiq dövründən 0,5 sent/ha çoxdur.
