Masallı rayonunda heyvandarlıq sahəsi stabil olaraq inkişaf etməyə davam edir. Bu haqda məlumat bu gün, 25 yanvar tarixində Masallı Rayon İcra Hakimiyyətinin rəsmi Facebook səhifəsində paylaşılıb.
Verilən məlumata əsasən, 2021-ci ildə mal-qaranın cins tərkibi daha da yaxşılaşıb və ət, süd, yumurta və yun istehsalı artıb. Həmçinin ötən ilin yanvar-dekabr aylarında təsərrüfatlarda 6372.2(diri çəkidə) ton ət, 49563.3 ton süd, 59.045 ədəd yumurta, 147.5 ton yun istehsal edilib. Əvvəlki ilin eyni dövrü ilə müqayisədə ət (0.4%), süd (0.2%), yumurta (0.3%), yun (0.6%) istehsallarında artım müşahidə olunmuşdur.
