Lənkəran və Masallıda canavarlar kəndlərə hücum çəkir.
Cenublu.az xəbər verir ki, bir neçə gündür ki, yırtıcı heyvanlar kənd əhalisində qorxuya səbəb olub.
Canavarlar, əsasən, Lənkəran rayonunun Zövlə və Masallı rayonunun Mollon, eləcə də Mahmudavar kəndlərində mal-qaraya, atlara hücum çəkib, bəzilərini parçalayıblar.
Sakinlərin sözlərinə görə, valideynlər artıq övladlarını məktəbə göndərməyə qorxurlar. Onlar məcbur qalıb əllərinə balta, yaba, dəryaz götürərək canavarları kəndlərdən uzaqlaşdırmağa çalışırlar.
Qeyd edək ki, canavarların ev heyvanlarına hücum çəkib parçalaması nəticəsində, vətəndaşlara külli miqdarda ziyan dəyib.
Sakinlər aidiyyəti qurumlardan canavarların kəndlərdən uzaqlaşdırılmasında onlara köməklik göstərməsini xahiş edirlər.
