Lənkəranda çəltik sahələri ildən-ilə genişlənir. Bu haqda məlumatı Cenublu.az bu gün, 23 iyul tarixində Lənkəran şəhər İcra Hakimiyyətinə istinadən verir.
Belə ki, cari ildə 802.3 hektar sahədə çəltik əkilib və yüksək məhsuldarlıq əldə etmək üçün əkin sahələrinə zəruri aqrotexniki qulluq göstərilib. Əsasən “Haşimi” və “Apollo” düyü sortlarına üstünlük verilib.
Rayonda çəltikçiliklə məşğul olan ən iri təsərrüfatlar “Green East” MMC, “Muğan Duyu” MMC, “Cənub Aqro” MMC və BETA firmasıdır. Əsasən rayonun Göyşaban, Şürük, Şıxakəran, Havzava, Mamusta, Şağlaser, Viravul, Siyavar və digər kəndlərində çəltik əkini aparılıb və bu prosesdə ən müasir texnoloji üsullardan və avadanlıqdan istifadə olunub.
