Turizm potensialı yüksək olan Lənkəran, Astara və Lerik rayonlarında kənd qonaq evləri kimi fəaliyyət göstərəcək yeni sahibkarlıq subyektləri yaradılır. Bu haqda bu gün, 28 iyul tarixində Cenublu.az Report.az-a istinadən xəbər verir.
“Kəndlərdə sahibkarlığın və özünüməşğulluğun inkişafı” layihəsi çərçivəsində kənd qonaq evləri kimi fəaliyyət göstərəcək 50 sahibkarlıq subyektinin təsis olunması nəzərdə tutulub. İşlərin sürətlənməsi üçün uyğun namizədlərin seçimi aparılıb.
Cəlb edilmiş şəxslərə turizm-xidmət sahələri üzrə müvafiq biliklərə yiyələnmələri üçün təlimlər keçirilir. Turizm obyekti kimi fəaliyyət göstərəcək obyektlər təmir olunub.
Namizədlərə Dövlət Məşğulluq Agentliyi tərəfindən divan, kreslo, stol-stul və yataq dəstləri və s. avadanlıqlar verilib.
Qeyd edək ki, Layihə Kiçik və Orta Biznesin İnkişafı Agentliyi, Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi və Dövlət Turizm Agentliyinin dəstəyi ilə həyata keçirilir.
