Cəlilabadda muzdla çalışanların əməkhaqları artıb. Bu haqda bu gün, 17 noyabr tarixində Cenublu.az Azərtac-a istinadən xəbər verir.
Cari ilin ilk 9 ayında muzdla çalışan işçilərin orta aylıq əməkhaqqı 553,7 manat təşkil edib. Rayon Statistika İdarəsindən verilən məlumata əsasən, artım 15,6% təşkil edib. Maliyyə və sığorta sahəsində, daşınmaz əmlakla əlaqədar əməliyyatlar, dövlət idarəetməsi və müdafiə, elektrik enerjisi, qaz və buxar istehsalı, bölüşdürülməsi və təchizatı, təhsil sahəsində çalışan işçilərin orta aylıq əməkhaqqı digər sahələrlə müqayisədə daha yüksək olub.
