Cəlilabad Rayon İcra Hakimiyyətinin büdcəsi açıqlanıb. Cenublu.az bu barədə 28 sentyabr tarixində quruma istinadən xəbər verir.
Cəlilabad özünü maliyyələşdirən rayonların siyahısındadır. Bu il üzrə yerli İH-in büdcəsi 1.648.599 manat təşkil edir. Onlardan 1.057.982 manat, yəni 64% əməkhaqqı fonduna aiddir.
Büdcənin digər iqtisadi təsnifatı üzrə vəsaitləri:
- Dəftərxana–mətbəə - 8865 manat;
- Yanacaq və sürtkü materialları - 15.979 manat;
- Elektrik enerjisi və digər kommunal xidmətlər - 35.357 manat;
- Mühafizə xərcləri - 54.423 manat;
- Hərbiçilərə kirayə haqqı - 135.550 manat;
- İnzibati bina və nəqliyyat vasitələrinin təmiri - 10.495 manat;
- Ezamiyyə xərcləri - 3000 manat;
- Dəfn və digər müavinətlər - 37.382 manat;
- Maşın və avadanlıqların inventarı - 10.726 manat;
- Məhkəmə prosesi - 200 manat.
Belə ki, 278.640 manat isə maddi yardım vahid büdcə təsnifatı maddəsi üzrədir. Həmin məbləğdən 208.986 manat 1060 nəfərə, yəni şəhid ailələri, qazilər, müharibə iştirakçıları və aztəminatlı ailələrə maddi yardım kimi verilib.
Qeyd olunub ki, sahibkarlar tərəfindən ödənilən vergi və rüsumlardan artıq olan hissəsi, yəni 50%-i 332.700 manat rayonun abadlaşdırılmasına, maddi yardım və işçilərin mükafatlandırılmasına ayrılıb.
