Astara rayonunun əlverişli təbii iqlim şəraiti və dövlət tərəfindən göstərilən dəstək nəticəsində, rayonda sitrus meyvəçiliyinin inkişafı üçün əlverişli şərait yaranıb. Bu haqda məlumat Azərtac-da paylaşılıb.
Astara Rayon Statistika İdarəsindən verilən məlumata əsasən, son 2 ildə Astarada 296,6 hektar yeni sitrus meyvə bağları salınıb. Həmçinin qeyd olunub ki, 2021-ci ildə rayonda 4816,6 hektar meyvə və giləmeyvə sahələrindən təxminən 56 min ton və ya əvvəlki illə müqayisədə 17% çox məhsul istehsal edilib.
Sitrus və subtropik meyvələrin istehsalı 2021-ci il üçün təqribən 53 min ton və ya ötən ilə nisbətən 17.5% çox meyvə istehsal edilib. İstehsal olunan sitrus və subtropik meyvələrinin 6979 tonunu feyxoa, 2074,9 tonunu limon, 3990,9 tonunu portağal, 40 min 242 tonunu narıngi, 161,5 tonunu digər meyvələr (kinkan və qreypfrut) təşkil edib.
