Astarada bağlarda mövsümün ilk kivi məhsulunun yığımına başlanılıb. Ötən illə müqayisədə bu il kivi meyvəsinin qiymətində artım müşahidə olunur. Fermerlər bildirirlər ki, xaricdən ölkəyə kivi idxalı olmasa, mövsümün sonuna qədər məhsulu hazırkı qiymətlərlə satmaq mümkün ola bilər.
Cenublu.az xəbər verir ki, Astara rayonunun Təngərüd, Maşxan, Ərçivan, Şahağacı, Şiyəkəran kəndlərində və Astara şəhəri ərazisində yerləşən kivi bağlarında məhsuldarlığın yüksək olduğu bildirilir.
Məhsulun zədələnməsinin qarşısını almaq üçün kivilər ağaclardan əl ilə dərilir. Toplanan məhsullar qablara yığılaraq çeşidlənməsi üçün xüsusi məntəqələrə təhvil verilir. Artıq yığılmış məhsulun bir hissəsi daxili və xarici bazarlara göndərilib. Fermerlər mövsümün məhsuldar keçəcəyini və bazarda qiymətlərin qorunub saxlanılacağını gözləyirlər.
