Lənkəranda Heydər Əliyevin 100 illik yubileyinə həsr olunmuş çempionat təşkil olunub. Bu haqda bu gün, 30 may tarixində Cenublu.az Təhsil RİM-in Lənkəran şəhər UGİŞM-ə istinadən xəbər verir.
Ümummilli lider Heydər Əliyevin anadan olmasının 100 illik yubileyinə həsr olunmuş yunan-Roma güləşi üzrə "Təhsil" RİM-in Lənkəran şəhər UGİŞ məktəbinin rayon turniri baş tutub. Tədbirin açılışında ümummilli lider Heydər Əliyev 1 dəqiqəlik sükutla yad edilib və yarışa Dövlət Himninin səslənməsi ilə start verilib. Lənkəran şəhər Gənclər və İdman İdarəsinin rəisi Teymur Babazadə ulu öndər Heydər Əliyevin həyat yolundan, dövlətçiliyimiz üçün misilsiz fəaliyyətindən söz açıb.
Yarışda müxtəlif yaş qruplarından 5 komandada 120 idmançı iştirak edib. Qaliblər "Təhsil" RİM-in Lənkəran şəhər UGİŞM PHŞ-nin diplom və medalları ilə təltif olunublar.
