"Xəzər Lənkəran"ın sabiq kapitanı Rahid Əmirquliyev karyerası ilə bağlı qərarını verib.
Sportinfo.az xəbər verir ki, 35 yaşlı yarımmüdafiəçi yeni mövsümdən etibarən Birinci Liqada çıxış edəcək "Şahdağ Qusar" klubunun heyətində meydana çıxacaq. Əmirquliyev ötən mövsüm bu komandanın İkinci Liqada çempion olmasında mühüm rol oynamışdı.
Qeyd edək ki, Əmirquliyev 2023-cü ilin yayında peşəkar futbolçu karyerasını başa vurduğunu açıqlamışdı. Lakin "Şahdağ Qusar"dan aldığı təklifdən sonra yarımhəvəskar liqada oynamağa razılaşmış və komandaya qatılmışdı.
Təcrübəli futbolçu daha əvvəl "Xəzər Lənkəran", "Qarabağ" və "Səbail" klublarında çıxış edib. O, Azərbaycan milli komandasının heyətində 60 oyun keçirib və 5 qola imza atıb.
