Lənkəranda şəhid Xəyal Əhədzadənin əziz xatirəsinə həsr olunmuş minifutbol turnirinin final oyunları və təltifetmə mərasimi keçirilib. Bu haqda məlumatı Cenublu.az bu gün, 3 oktyabr tarixində verir.
Separadi idman kompleksinin stadionunda baş tutan turnirdə 16 komanda iştirak edib. Final qarşılaşmasında “Kolatan” komandası 5:1 hesabı ilə “Tükəvilə” komandasına qalib gələrək birinci yeri tutub. İkinci yerə “Tükəvilə”, üçüncü yerə isə “Separadi” komandası layiq görülüb. Qalib komandalar kubok, medal, diplom və sertifikatlarla təltif olunublar.
Qeyd edək ki, turnir Lənkəran-Astara Regional Gənclər və İdman İdarəsinin təşkilatçılığı ilə baş tutub.
