Lənkəran şəhərində leytenant Vüsal Kazımovun xatirəsinə həsr olunmuş boks üzrə ənənəvi III Region birinciliyinə yekun vurulub. Bu haqda məlumatı Cenublu.az bu gün, 19 dekabr tarixində verir.
Tədbir Olimpiya İdman Kompleksində baş tutub. Burada Lənkəran, Astara, Lerik, Yardımlı, Masallı, Cəlilabad rayonlarından 56 idmançı yarışıb. Qaliblərə diplom və medallar təqdim olunub.
Yarış Lənkəran-Astara Regional Gənclər və İdman İdarəsinin təşkilatçılığı ilə həyata keçirilib.
Qeyd edək ki, Lənkəran Dövlət Universitetinin məzunu olan Vüsal Kazımov şəhidlik zirvəsinə ucaldığı günədək Lənkəran-Astara Regional Gənclər və İdman İdarəsinin nəzdində fəaliyyət göstərən Uşaq-Gənclər İdman Məktəbinin direktoru vəzifəsində çalışırdı.
