Avropa Liqasının pley-off mərhələsinin cavab oyununda qələbə qoluna “Xəzər Lənkəran” futbol klubunun yetirməsi Nəriman Axundzadə imza atıb. Bu haqda məlumatı Cenublu.az bu gün, 23 fevral tarixində verir.
“Qarabağ” UEFA Avropa Liqasının pley-off mərhələsində "Qarabağ" futbol klubu Bakıda Portuqaliyanın “Braga" klubu ilə üz-üzə gəlib. Rəqib 3:2 hesabı ilə qalib gəlsə də, iki görüşün nəticəsinə əsasən, (6:5) “Qarabağ” 1/8 finala vəsiqə qazanıb. Belə ki, komanda Nəriman Axundzadənin 120+2-ci dəqiqədəki qolu ilə sözügedən tarixi nəticəni əldə edib.
Azərbaycan futbol mütəxəssisi, keçmiş Azərbaycan futbolçusu, əməkdar məşqçi Qurban Qurbanov qeyd edib: “Məncə, Nəriman çox böyüdü və hələ böyüyəcək. O, ağlayırdı, başda mən olmaqla ona dəstək olduq, öz üzərində çalışdı. Və bu gün Allah ona bunun əvəzini verdi”.
Lənkəran futbol məktəbinin yetirməsi olan N. Axundzadənin sosial şəbəkələrdə uşaqlıq görüntüləri yayılıb.
[caption id="attachment_54305" align="alignnone" width="336"]
Foto açıq mənbələr[/caption]
