Azərbaycan Həvəskarlar Futbol Federasiyasının XXIV ölkə birinciliyi çərçivəsində Masallı rayonunu təmsil edən “Ərkivan” futbol klubu pley-off mərhələsinə vəsiqə qazanıb. Bu haqda məlumatı Cenublu.az bu gün, 20 iyun tarixində Masallı rayon Gənclər və İdman İdarəsinə istinadən verir.
Belə ki, Azərbaycan Həvəskarlar Futbol Federasiyasının XXIV ölkə birinciliyi çərçivəsində Masallı rayonunu təmsil edən “Ərkivan” futbol klubu yeni mövsümdə ilkin mərhələnin bütün tur oyunlarını (6 oyun, 6 qələbə) qələbə ilə başa vurub.
İyunun 17-də səfərdə - Bakı şəhərindəki “ASK Arena” stadionunda yerli “Topçular” futbol klubu ilə qarşılaşan “Ərkivan” (Masallı) FK 1/4 final görüşündən qalib ayrılıb. Gərgin mübarizə şəraitində keçən oyunun ilk hissəsi 1:1 hesabı ilə yekunlaşsa da, Masallı təmsilçiləri fasilədən sonra üstünlüyü ələ almağı bacarıblar.
Rəqib komanda üzərində 2:1 hesablı qələbə çalan Masallılar növbəti,
yarımfinal mərhələsinə vəsiqəni təmin ediblər. Qolları Kənan Aslanov və Rəhman Murtuzayev vurublar.
