Masallı pəhləvanı Avropa çempionatının bürünc medalına layiq görülüb. Bu haqda məlumatı Cenublu.az bu gün, 3 iyul tarixində Masallı Rayon Gənclər və İdman İdarəsinə istinadən verir.
İspaniyanın Santyaqo de Kompostela şəhərində güləş üzrə U-20 Avropa çempionatı keçirilir. Sərbəst güləşçimiz Zəfər Əliyev (97 kq) ispaniyalı Enrike Ximenesə tam üstünlüklə (13:0) qalib gəlsə də, 1/4 finalda ukraynalı İvan Primaçenkoya 0:2 hesabı ilə məğlub olub. Əliyev təsəlliverici görüşdə fransalı Əsgərxan Xunkayevi böyük hesabla üstələyib - 10:2. Son qarşılaşmada isə slovakiyalı Adam Jaksiki 12:5 hesabı ilə məğlub edərək üçüncü yeri tutub.
Qeyd edək ki, Masallı Rayon Gənclər və İdman İdarəsi nəzdindəki Uşaq-Gənclər İdman Məktəbinin məşqçi-müəllimi Təhmasib İsayevin yetirməsi, hazırda böyüklərdən ibarət ölkə yığmasının üzvü Zəfər Əliyev çimərlik güləşi üzrə gənclərin (U-20) Avropa çempionatının (07-08.07.2022, Yunanıstan) qızıl, U-20 Dünya çempionatının (02.09.2022, Ruminiya) gümüş medalçısıdır.
