Masallını dünya çempionatında layiqincə təmsil edən Ruzanna Məmmədova finala yüksəlib. Bu haqda bu gün, 28 iyul tarixində Cenublu.az xəbər verir.
U-17 dünya çempionatında çıxış edən Ruzanna 49 kq çəki dərəcəsində mübarizə aparır. İtaliyada baş tutan yarışmada o, ilk öncə rumıniyalı Ana Mariya Rotaruya “tuşe” ilə qalib gəlib. 1/8 finalda bolqar Viktoriya Boynovanı 7:1, yarımfinalda isə qazaxıstanlı Aymgül Abilovaya heç bir şans tanımayaraq 10:0 hesabı ilə qalib gəlib.
Fəxrimiz həlledici görüşdə yaponiyalı Mihoko Takeuçiylə üz-üzə gələcək.
