Masallıdan olan cüdoçu Avropa çempionatında uğur qazanıb. Bu haqda məlumatı Cenublu.az bu gün, 23 iyun tarixində Masallı Rayon Gənclər və İdman İdarəsinə istinadən verir.
22-25 iyun tarixlərində Portuqaliyanın Odivelas şəhərində cüdo üzrə yeniyetmələr arasında Avropa çempionatı keçirilir. Tunirin ilk günündə 50 kiloqram çəki dərəcəsində mübarizə aparan cüdoçumuz Məhəmməd Məmişov final görüşündə macarıstanlı idmançı Benke Qaloya qalib gələrək yeniyetmələr arasında Avropa çempionatının qızıl medalına sahiblənib.
Qeyd edək ki, Məhəmməd Asif oğlu Məmişov əslən Masallı rayonunun Təzə Alvadı kəndindəndir.
