Əslən Masallıdan olan paraüzgüçü Vəli İsrafilov İngiltərənin Mançester şəhərində keçirilən dünya çempionatında qızıl medal qazanıb. Bu haqda məlumatı Cenublu.az bu gün, 4 iyul tarixində verir.
Belə ki, paralimpiya çempionu 100 metr məsafəyə bras növündə 1:07.08 saniyə nəticə göstərərək fəxri kürsünün ən yüksək pilləsinə qalxıb. İsrafilov bununla da Paris-2024 XVII Yay Paralimpiya Oyunlarına lisenziya qazanıb.
Qeyd edək ki, Vəli İsrafilov üzgüçülük üzrə Dünya, Avropa və Olimpiya çempionu, Əməkdar idman ustasıdır və 1-ci dərəcəli “Vətənə xidmətə görə” ordeni ilə təltif olunub.
