Masallıdan olan güləşçimiz Elgiz Məmmədov veteranlar arasında yunan-Roma güləşi üzrə dünya çempionatının gümüş medalını qazanıb. Bu haqda məlumatı Cenublu.az bu gün, 24 oktyabr tarixində verir.
Yunanıstanın Lutraki şəhərində veteranlar arasında 17-22 oktyabr tarixlərində davam edən güləş üzrə dünya çempionatında ölkəmizi yunan-Roma güləşində təmsil edən Elgiz Məmmədov (88 kq) finala qədər üç rəqibini məğlub edib. Rusiyalı Şamil Abulmuslimova (9:0), qazaxıstanlı Bakitjan Nuradinova (tuş) və amerikalı Kayl de Berrinə (10:2) tam üstünlüklə qalib gələn həmyerlimiz həlledici görüşdə bolqarıstanlı Plamen Palevə 3:8 hesabı ilə uduzub.
Beləliklə, 36 yaşlı pəhləvanımız ardıcıl olaraq ikinci dəfə dünya ikincisi olub.
