Sərbəst güləş və yunan-Roma güləşi idman növləri üzrə zona birinciliyi (U-15) keçirilib. Bu haqda məlumatı Cenublu.az bu gün, 13 fevral tarixində verir.
Yunan-Roma güləşi üzrə yarışlarda Masallı Uşaq-Gənclər İdman-Şahmat Məktəbinin yetirmələrindən Rəvan Yəhyayev (52 kq), Nurlan Əşrəfov (57 kq) 2-ci, Yunus Əliyev (52 kq) və Bəhram Məmmədov (58 kq) isə 3-cü yerə sahib olublar. Onlar respublika birinciliyinin final mərhələsinə vəsiqə qazanıblar.
İdmançıları yarışlara Masallı UGİŞM-in məşqçi-müəllimləri Soltan Nəzərov və Rafael Həsənov hazırlayıblar.
Yarışlar Azərbaycan Güləş Federasiyasının, Gənclər və İdman Nazirliyinin təşkilatçılığı ilə Sabirabad Olimpiya-İdman Kompleksində keçirilib.
