Ryuga Voleybol Ailəsinin təşəbbüsü və Masallı İdman İdarəsinin təşkilatçılığı ilə Azərbaycan Respublikası Gənclər və İdman Nazirliyinin yaranmasının 30 illiyinə həsr olunmuş “Zəfər Kuboku” baş tutacaq. Bu haqda məlumatı Cenublu.az bu gün, 23 iyul tarixində verir.
Voleybol üzrə turnirdə ümumilikdə 2 qadın (Ryuga, Rabitə Baku), 4 kişi (Masallı, Cəlilabad, Ryuga, RSC) komandaları iştirak edəcək.
Qadınların görüşündə 3 seti qazanacaq komanda kubokun sahibi olacaq.
Kişilərin görüşündə isə qalib komandalar final görüşü keçirəcəklər, məğlub komandalar isə üçüncülük uğrunda mübarizə aparacaqlar.
“Zəfər Kuboku” 24 may saat 12:00-da Masallı Olimpiya kompleksində keçiriləcək.
