Masallıda Anım Gününə həsr olunmuş məktəblilər arasında voleybol üzrə rayon turniri yekunlaşıb. Bu haqda məlumatı Cenublu.az bu gün, 25 sentyabr tarixində verir.
Masallı rayon şəhid Zahir Nəcəfov adına Ərkivan qəsəbə 2 saylı tam orta məktəbin idman zalında keçirilən yarışlar 23-24 sentyabr tarixində davam edib.
Turnirin yekun nəticəsinə əsasən, rayonun Türkoba kənd S.Vurğun adına tam orta məktəbin komandası - l, Masallı şəhər 4 saylı tam orta məktəbin komandası - ll, Sığıncaq kənd M.Qarayev adına tam orta məktəbin komandası isə - lll yerə layiq görülüb. Qaliblər Lənkəran-Astara Regional Gənclər və İdman İdarəsinin və Uşaq-Gənclər İdman-Şahmat Məktəbinin diplomları ilə mükafatlandırılıblar.
Turnir Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun və Masallı Uşaq-Gənclər İdman Şahmat Məktəbinin birgə təşkilatçılığı ilə baş tutub.
