Masallı rayonu Hişkədərə kənd E.Ağayev adına tam orta məktəbin idman zalında ümummilli lider Heydər Əliyevin anadan olmasının 100 illiyi ilə əlaqədar voleybol idman növü üzrə məktəblərarası yarış keçirilib. Bu haqda məlumatı Cenublu.az bu gün, 20 fevral tarixində verir.
Yarışda Hişkədərə, Miyankü, Tüklə, Türkoba, Digah, Sığıncaq, Sığdaş, Qodman kənd və Ərkivan qəsəbə Z.Nəcəfov adına 2 saylı tam orta məktəbin komandaları olmaqla ümumilikdə 9 komanda iştirak edib.
Yarışın yekun nəticəsinə görə Hişkədərə kənd E.Ağayev adına tam orta məktəbin komandası birinci yeri tutub. İkinci yeri Türkoba kənd S.Vurğun adına tam orta məktəbin komandası, üçüncü yeri Tüklə kənd Ə.İbadov adına tam orta məktəbin komandası qazanıb.
