Masallı rayon Türkoba kəndində "İdman hamı üçün" layihəsi çərçivəsində voleybol idman növü üzrə açıq idman tədbiri keçirilib. Bu haqda məlumatı Cenublu.az bu gün, 30 avqust tarixində verir.
Keçirilən idman tədbirində məqsəd əhali arasında voleybol idman növünə marağın artırılması, sağlam həyat tərzinin təbliği olub.
Voleybol üzrə Əməkdar məşqçi Süfəddin Məmmədovun rəhbərliyi ilə keçirilən tədbirdə 25 nəfər idmançı və rayon sakinləri iştirak ediblər.
Qeyd edək ki, tədbir Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun təşkilatçılığı ilə baş tutub.
