Masallıda həvəskarlar arasında üzgüçülük üzrə rayon birinciliyi keçirilib. Bu haqda məlumatı Cenublu.az bu gün, 31 avqust tarixində verir.
Yarışda 50 nəfər həvəskar üzgüçü iştirak edib, ilk üç yeri tutmuş idmançılar diplomlarla mükafatlandırılıblar.
Qeyd edək ki, yarışma Masallı Olimpiya İdman Kompleksində Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun və Masallı Olimpiya İdman Kompleksinin birgə təşkilatçılığı ilə baş tutub.
