Masallı rayonunda Zəfər Gününə həsr olunmuş gənclər arasında idman yarışı təşkil olunub. Bu haqda məlumatı Cenublu.az bu gün, 4 noyabr tarixində verir.
Belə ki, tir atıcılığı üzrə turnir “Masallı Gənclər Evi” SXM-də baş tutub. Burada ümumilikdə 26 gənc gücünü sınayıb. Yekunda I, II, III yerləri tutan idmançılara diplom və medallar təqdim olunub.
Turnirin mükafatlandırma mərasimində Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun müdiri, “Masallı Gənclər Evi” sosial xidmət müəssisəsinin direktoru, Dini Qurumlar iş üzrə Dövlət Komitəsi Masallı bölgəsi üzrə şöbəsinin müdiri iştirak ediblər.
Tədbirin keçirilməsində məqsəd şəhidlərimizin xatirəsini yad etmək, Vətən meharibəsi haqqında gəncləri məlumatlandırmaq və rayonun perspektivli idmançıların aşkar olunmasıdır.
Qeyd edək ki, idman tədbiri Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun təşkilatçılığı ilə həyata keçirilib.
