Masallı Regional Taekvondo Mərkəzində taekvondo üzrə idmançılar üçün ustad dərsi keçirilib.
Cenublu.az xəbər verir ki, master-klas Azərbaycan Taekvondo Federasiyasının və Lənkəran-Astara Regional Gənclər və İdman İdarəsinin təşkilatçılığı ilə baş tutub. Tədbirdə cənub bölgəsini təmsil edən klublardan 116 taekvondoçu iştirak edib.
Ustad dərsində təlimçilər - Paris-2024 Olimpiya Oyunlarının gümüş mükafatçısı, Avropa çempionu Qaşım Maqomedov, Avropa və dünya çempionu Fəridə Əzizova, I Avropa Oyunlarının qalibi Ayxan Tağızadə idmançılarla öz bilik və bacarıqlarını paylaşaraq, təcrübələrini bölüşüblər.
Ümumilikdə seminar “Taekvondonun fəlsəfəsi və baza texnikaları”, ”Əl və ayaq zərbələri, müdafiələr və duruşlar”, “Yarış və döyüş texnikaları” mövzularını əhatə edib.
