Masallı rayon Uşaq-Gənclər İdman-Şahmat Məktəbinin qarşısında şahmat üzrə tədbir baş tutub. Bu haqda məlumatı Cenublu.az bu gün, 16 noyabr tarixində verir.
“İdman hamı üçün” layihəsi çərçivəsində keçirilən görüşdə 50 nəfərə yaxın şahmatçı və şəhər sakini iştirak edib. Burada məqsəd rayonda yaşayan uşaqların şahmat idman növünə marağının artırılması, istedadlı uşaqların dəstəklənməsi və asudə vaxtın səmərəli təşkilidir.
Qeyd edək ki, tədbir Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun və Uşaq-Gənclər İdman-Şahmat Məktəbinin dəstəyi ilə təşkil olunub.
