Masallıda “Vətənin müdafiəsinə hazıram” poliatlon çoxnövçülüyü üzrə rayon turniri təşkil olunub. Bu haqda məlumatı Cenublu.az bu gün, 24 noyabr tarixində verir.
“Heydər Əliyev İli” çərçivəsində keçirilən yarış Olimpiya Kompleksində baş tutub. Belə ki, 100 metr məsafəyə qaçış, turnikdə dartınma və qumbara atma növləri üzrə keçirilən turnirdə rayonun tam orta məktəblərinin 29 şagirdi qüvvəsini sınayıb.
Sonda qalib komandalara diplomlar təqdim olunub.
Yarışın keçirilməsində məqsəd yeniyetmə və gəncləri Vətənin müdafiəsinə mənəvi və fiziki cəhətdən hazırlamaq, onlarda Vətənə məhəbbət və vətənpərvərlik hisslərini artırmaqdır.
Qeyd edək ki, tədbir Lənkəran-Astara Regional Gənclər və İdman İdarəsinin və Lənkəran-Astara Regional Təhsil İdarəsinin rayon sektorlarının təşkilatçılığı ilə həyata keçirilib.
