Masallıda Əməkdar məşqçi Nadir Ağayevin xatirəsinə növbəti Respublika turniri təşkil olunacaq. Bu haqda bu gün, 10 oktyabr tarixində Cenublu.az Masallı rayon Gənclər və İdman İdarəsinə istinadən xəbər verir.
Turnir 15-16 oktyabr tarixlərində Masallı rayon Olimpiya İdman Kompleksində baş tutacaq. Yunan-Roma güləşi üzrə SSRİ idman ustası Nadir Yaqub oğlu Ağayevin xatirəsinə həsr olunmuş yarışmada yeniyetmələr -41, -45, -48, -51, -55, -60, -65,-71, -80, -92 və -110 kq çəki dərəcələrində mübarizə aparacaqlar.
Birinciliyin açılış mərasimində Masallı Rayon Gənclər və İdman İdarəsinin təqdimatı ilə Nadir Ağayev haqqında çəkilmiş qısametrajlı filmin nümayişi nəzərdə tutulub.
